دانلود نوحه ای دردبی درمانلارا درمان ابوالفضل

[مدیر]

مداحی ترکی ای درد بی درمان آرا درمان ابوالفضل/ای گل مرتضی یا ابوالفضل/نوحه ترکی در مورد حضرت ابوالفضل/ای دردی بی درمانلارا درمان ابوالفضل/ارادت به حضرت ابوالفضل/

ای درد بی درمانلارا درمان ابوالفضل
باب الحوائج شأنیوه قربان ابوالفضل

ای شیعه نین هر یرده امید و پناهی
سنگر نشین زوّارلارین پشت و پناهی

مظلوملارین سندن صورا یوخدور پناهی
اول منصب و ایمانیوه قربان ابوالفضل

ای بت شکن شیر خدانون شیر بالاسی
باغلی قالوب قارداشیوین کرب و بلاسی

اول آلتیگوشه قبرینون اوللوق فداسی
احسان ایله احسانیوه قربان ابوالفضل

هر کس سنین اَل آتسا دوتسادامه نیندن
هرگز قایتماز دستِ خالی محضریندن

اَل چکمروک بیزده سنون پاکدامه نیندن
گوز تیکمیشوک احسانیوه قربان ابوالفضل

ای کربلا میدانینون رحمت هماسی
شأنون بویوک قبرون کیچیک وارماجراسی

بسکی یروبلار جیسمیوه پیکان یاراسی
غیرتلی مظلوم جانیوه قربان ابوالفضل

دیوانه عشق حسینوک یا ابوالفضل
پروانه شمع حسینوک یا ابوالفضل

محتاجِ درمانِ حسینوک یا ابوالفضل
اول شاه لب عطشانیوه قربان ابوالفضل

قلبیم اولوبهجرانغمینده شانه شانه
شش گوشه قبرین حسرتی اودویردی جانه

بو حسرتی قبره آپارام یانه یانه
باغلی قالان یولّاریوه قربان ابوالفضل

هر کس اولا عشق حسینون مبتلاسی
وصلِ حبیبه اَل تاپار اولسا وفاسی

محشر گونی اجرین ویرر مظلوم آقاسی
اول گلشن جانانیوه قربان ابوالفضل

آغلار گوزیله ایستروک صاحب زمانی
گلسون اوزی ویرسون براتِ کربلانی

قبرین اوپوب اولسون((وحیدی )) نوحه خوانی
باب الحوائج شانیوه قربان ابوالفضل

دانلود​

.